Jana
Usiku Uwanjani Sanchez Pizjuan uliosheheni Mashabiki kibao. Real Madrid
walipokea kipigo chao cha kwanza Msimu huu kwenye La Liga cha 3-2
kutoka Sevilla na kuuacha uongozi wa Ligi hii kwa Barcelona ambao wako
Pointi 3 mbele kuelekea Mechi kati ya Vigogo hao inayobatizwa ‘El
Clasico.’Real walitangulia kufunga kwa Bao la Sergio Ramos lakini Sevilla, ambao Juzi Wiki-Kati walidundwa 3-1 na Man City kwenye UEFA CHAMPIONZ LIGI, walijibu kwa Bao za Ciro Immobile, Ever Banega na Fernando
Llorente.James Rodriguez aliipa Real Bao lao la Pili lakini Sevilla walilinda uongozi wao na kuibuka Washindi kwa Bao 3-2.
Mapema Jana, Barcelona waliitandika Villareal 3-0 Bao zote zikifungwa Kipindi cha Pili na Neymar, Bao 2, na Luis Suarez, Bao la Penati.
Wawili hao wamekuwa wakiipa ushindi Barca na kufunga Bao zote 17 za La Liga za Barca tangu Staa wao Lionel Messi aumie Goti Wiki 6 zilizopita.
Mechi inayofuata kwa Barca ni ule mtanange wa El Clasico watakapocheza na Mahasimu zao Real Madrid Uwanjani Santiago Bernabeu hapo Novemba 21.
VIKOSI:
Sevilla: Rico; Tremoulinas, Andreoli, Rami, Ferreira; Krychowiak, N’Zonzi, Vitolo, Banega, Konoplyanka; Immobile.
Real Madrid: Casilla; Pepe, Ramos, Nacho, Danilo; Modric, Casemiro, Kroos; Bale, Isco, Cristiano Ronaldo.
REFA: José Luis González González
Hakuna maoni :