Yanga
imeanza michuano ya Mapinduzi kwa kishindo kwa kuitwanga Mafunzo kwa
mabao 3-0 katika mechi ya kwanza kwenye Uwanja wa Amaan mjini Zanzibar,
leo.
Mabao
mawili ya Yanga yamefungwa na Donaldo Ngoma aliyepewa pasi na Mzimbabwe
mwenzake Thabani Kamusoko katika dakika za 31 na 34 na kuifanya Yanga
kwenda mapumziko ikiwa inaongoza kwa mabao 2-0.
Kipindi
cha pili, Mafunzo walijitutumua na kupeleka mashambulizi kadhaa
likiwemo lililozaa penalti baada ya Kelvin Yondani kuachwa na kumvuta
mshambuliaji wa Mafunzo, lakini kipa Deo Munishi ‘Dida’ akaipangua na
baadaye kuidaka.
Paul
Nonga aliyeingia dakika 10 za mwisho kuchukua nafasi ya Tambwe alifunga
bao la tatu katika dakika ya 90 huku walinzi wa Mafunzo wakiamini
alikuwa ameotea.
Mechi
nyingine baadaye ni kati ya Azam FC dhidi ya Mtibwa Sugar ambayo
inatarajiwa kuwa mechi ngumu na ya kusisimua zaidi kutokana na upinzani
mkali wa timu hizo katika Ligi Kuu Bara.
Hakuna maoni :