VINARA
wa Serie A huko Italy, Napoli, na Mabingwa Watetezi Juventus wanaoshika
Nafasi ya Pili wameshinda Mechi zao za Ligi hapo Jana na kulifanya
pambano la Jumamosi ijayo kati yao kuwa spesho.
Napoli wanaongoza Serie A wakiwa Pointi 2 mbele ya Juve na Jumamosi
Februari 13 watatua Juventus Stadium Mjini Turin kuivaa Juventus.
Hapo Jana, Napoli waliifunga Timu inayosuasua Carpi 1-0 kwa Bao la
Penati ya Dakika ya 69 la Gonzalo Higuian huku wakisaidiwa na Carpi
kucheza Mtu 10 baada ya Raffaele Bianco kupewa Kadi Nyekundu katika
Dakika ya 56 kufuatia Kadi za Njano 2.
Juve, wakicheza Ugenini, waliichapa Frosinone 2-0 kwa Bao za Juan Cuadrado, Mchezaji wa Mkopo kutoka Chelsea, na Pablo Dybala.
Huo ni ushindi wa 14 mfululizo kwa Juve kwenye Serie A ikiwa ni
Rekodi kwa Klabu yao na sasa wamebakisha Mechi 3 tu waivunje Rekodi ya
Inter Milan ya kushinda Mechi nyingi mfululizo kwenye Serie A.
SERIE A
Msimamo Timu za Juu
(Kila Timu imecheza Mechi 24)
1 Napoli Pointi 56
2 Juventus 54
3 Fiotentina 46
4 Inter Milan 45
5 AS Roma 44
6 AC Milan 40
Hakuna maoni :