Beki
wa zamani wa Chelsea Frank Sinclair amemshambulia Straika wa Klabu hiyo
Diego Costa kuwa Msimu huu amedorora kwa sababu amepania kuonyesha
ubabe badala ya kucheza Mpira.
Msimu uliopita, Costa ambae ni Mzaliwa wa Brazil alieamua kuichezea
Spain, aliifungia Chelsea Mabao 20 na kukisaidia Kikosi cha Jose
Mourinho kutwaa Ubingwa wa Ligi Kuu England pamoja na Kombe la Ligi.
Lakini Msimu huu, yeye na wenzake wamedorora na kuwa goigoi kiasi
cha yeye kufunga Bao 2 tu katika Mechi 12 za Ligi na kuifanya Chelsea
itupwe Nafasi ya 16 kwenye Ligi.
Msimu huu Costa, ambae kawaida ni mkorofi Uwanjani, amezidisha
ukorofi wake na kufungiwa mara 2 na Juzi Jumamosi Chelsea walipofungwa
1-0 na Stoke City Mchezaji huyo alionekana kugombana kila mara na
Sentahafu wa Stoke Ryan Shawcross.
Akihojiwa kuhusu hali tete ya Klabu yake ya zamani Chelsea, Frank
Sinclair, alieleza: "Tatizo kubwa ni Costa kupania kuonyesha ubabe
badala ya kucheza Mpira kama alivyofanya Msimu uliopita!"
Sinclair amesema Msinu huu kila mbinu ya Costa kuwazidi akili Mabeki imeshindwa na sasa amebaki kuonyesha utemi tu Uwanjani.
Hakuna maoni :