 |
| MAJEGWA WAKATI AKIWA AZAM FC. HAPA ANAPAMBANA NA JUMA ABDUL WA YANGA. |
Ligi Kuu Bara itaendelea Desemba 12 baada ya mapumziko ya
kipindi cha zaidi ya wiki mbili.
Wanasimba wanajua kikosi chao kitarejea katika ligi hiyo kwa
kucheza na Azam FC na uongozi wa klabu hiyo umesema hauna masharti yoyote,
kiungo Brian Majegwa kucheza dhidi yao.
Msemaji wa Azam FC, Jaffar Iddi ‘Mbunifu’ amesema baada ya
klabu hiyo kumalizana na Simba, Majegwa raia wa Uganda ni mali ya Simba na wana
uamuzi wa kila kitu.
 |
| MAJEGWA; SASA NI MALI YA SIMBA. |
“Wao Simba ndiyo wataamua kama Majegwa acheze siku hiyo au
la. Sisi kama Azam FC, tutakuwa hatuna masharti wala hatuna cha kuhoji.
“Wataamua kupitia benchi lao la ufundi wanachoona, sisi
tutakwenda kupambana na Simba kwa ajili ya kupata pointi tatu, mengine yanabaki
kwao,” alisema Jaffar.
Majegwa amtua Simba rasmi baada ya pande mbili kukutana na kumalizana ikiwa ni baada ya mzozo wa siku kadhaa.
Hakuna maoni :