Yanga na Simba ndiyo wakongwe katika soka la nyumbani
na huenda wanapaswa kuwa mfano katika mambo mengi sana.
Lakini mambo yanavyokwenda wamekuwa wakichelewa na
kuwa wa mwisho katika mambo mengi sana pia.
Suala la wachezaji kuwa katika mwonekano mzuri wanapokuwa
wanasafiri, inaonekana kama hilo litafanyika lazima wavae ‘traksuit’.
Hivi kwani wao hawawezi kuvaa angalau suti na kuwa
katika mwonekano bomba kabisa. Mfano angalia picha hiyo ya vijana wawili nyota
Watanzania.
Mbwana Samatta na Thomas Ulimwengu, hawa wawili
wanakipiga katika klabu ya TP Mazembe. Picha hiyo inawaonyesha wakiwa nchini
Japan walikokwenda kwa ajili ya michuano ya Kombe la Dunia kwa upande wa klabu.
Lazima tukubali, kupitia mengi tunaweza kujifunza
kupitia Ulimwengu na Samatta. Vijana wetu, wadogo zetu, ndugu zetu hawa lakini
juhudi zao zinafanya watupe somo kubwa na lazima tuziheshimu na kuzithamini.
Hakuna maoni :