Waziri
wa Habari, Michezo, Utamaduni na Sanaa, Nape Nnauye leo ameungana na
Mwanasoka Bora Afrika, Mbwana Samatta na Watanzania wapenda soka na
michezo kumpongeza.
Nape ametumia karibu siku yake yote kuwa na Samatta ambaye ameshinda tuzo hiyo na kuweka rekodi mpya nchini na barani Afrika.
Kama
unakumbuka, kabla ya Samatta kuondoka kwenda Nigeria kwenye fainali ya
tuzo hizo, alikwenda ofisini kwa Nape kumuaga na kuchukua baraka zake.
"Mtoto
ni vizuri ukapata baraka za wazazi, nimeona nije hapa kwa mheshimiwa
waziri kumuaga na kuchota baraka zake," alisema siku hiyo Samatta.
Waziri
Nape naye kama alimtabiria baada ya kumueleza kwamba Serikali inamuunga
mkono kwa wakati wote na ana imani atafanya vizuri na kurejea na tuzo
hiyo ambayo kweli amerejea nayo.
Hakuna maoni :