GEITA GOLD YA MATOLA YAITOA SHOO TOTO AFRICAN, YAICHAPA BAO 1-0 NA KUITUPA NJE KOMBE LA SHIRIKISHO

Huku ikiendelea kusubiri ishu yake kama ipande Ligi Kuu Bara au la, Geita Gold imesonga hadi hatua ya robo fainali ya michuano ya Kombe la Shirikisho la Azam Sports HD baada ya kumaliza Toto African kwa bao 1-0.

Pamoja na kelele nyingi za Toto African inayoshiriki Ligi Kuu Bara kupitia kwa msemaji wake, Geita Gold inayofunidishwa na Selemani Matola ilifanikiwa kuonyesha soka safi na la kuvutia.

Shukurani nyingi zitamwendea Omary Hassan aliyefunga bao safi katika dakika ya 64 na kuwaduwaza Toto African waliokuwa na mashabiki wengi zaidi kwenye Uwanja wa CCM Kirumba jijini Mwanza, leo.