KOMBE LA SHIRIKISHO: SIMBA YAPIGA 5, IPO ROBO FAINALI, AZAM FC KUKIPIGA JUMATATU NA PANONE HUKO MOSHI.

Simba imetinga Robo Fainali ya Kombe la Shirikisho baada ya kuitwanga Singida United 5-1 katika Mechi iliyochezwa Uwanja wa Taifa.

Bao za Simba zilifungwa na Awadh Juma na Hamisi Kiiza, Bao 2 kila mmoja na jingine na Danny Lyanga wakati la Singida lilipigwa na Paulo Malamula.

Huko CCM Kirumba Jijini Mwanza, Geita Gold imeitungua Toto Africans na wao kutinga Robo Fainali wakiungana na Simba, Ndanda FC, Yanga, Coastal Union, Mwadui FC, Tanzania Prisons na Timu ya mwisho itatokana na Mshindi kati ya Panone FC ya Moshi na Azam FC ambao wanacheza Jumatatu huko Uwanja wa Ushirika Jijini ,Moshi.

Raundi ya 4
Ratiba/Matokeo
Jumatano Februari 24
Yanga 2 JKT Mlale 1

Ijumaa Feb 26:
Ndanda FC 3 JKT Ruvu 0
Coastal Union 1 Mtibwa Sugar 0

Jumamosi Feb 27:
Mwadui FC 3 Rhino Rangers 1
Tanzania Prisons 2 Mbeya City 1

Jumapili Feb 28:
Simba 5 Singida United 1
Toto Africans 0 Geita Gold 1

Jumatatu Feb 29:
Panone FC v Azam FC (Ushirika, Moshi)