TWIGA YASHINDWA KUTAMBA NYUMBANI BAADA YA KUCHAPWA NA DADA ZAKE KAMUSOKO.

Pamoja na kuwa nyumbani, Twifa Stars imeshindwa kuonyesha ujuzi baada ya kukutana na kipigo cha mabao 2-0 kutoka kwa Zimbabwe.

Kinadada wa Zimbabwe wameonyesha wanaweza kama sifa ambazo amekuwa akipata kaka yao, Thabani Kamusoko anayekipiga Yanga.

Kwani pamoja na Twiga Stars kujiandaa vilivyo, imeshindwa kuwazuia kinadada hao wa Zimbabwe ambao walionyesha soka safi katika mechi iliyopigwa kwenye Uwanja wa Chamazi jijini Dar es Salaam.

Kipigo hicho kinaifanya Twiga Stars kuwa na wakati mgumu kwa kuwa italazimika kucheza na kushinda katika mechi ijayo ikiwa ugenini.

Zimbabwe ni kati ya timu tano bora kabisa barani Afrika kwa upande wa soka la wanawake na Twiaga Stars ilikuwa na kazi ya kuuangusha mbuyu huo lakini ikashindikana.