CAF CHAMPIONZ LIGI: YANGA YASONGA, KUIVAA APR YA RWANDA.

LEO hii kwenye Uwanja wa Taifa Jijini Dar es Salaam., Mabingwa wa Tanzania Bara, Yanga, wamesonga Raundi ya Kwanza ya CAF CHAMPIONZ LIGI baada ya kuitwanga Cercle de Joachim ya Mauritius Bao 2-0 katika Mechi ya Pili ya Raundi ya Awali.

Kwenye Mechi ya Kwanza iliyochezwa huko Mauritius Wiki 2 zilizopita, Yanga ilishinda 1-0 na hivyo sasa wamesonga kwa Jumla ya Mabao 3-0 kwa Mechi mbili.
Bao za Yanga hii Leo zilifungwa na Amisi Tambwe, Dakika ya 3, na Thaban Kamusoko, Dakika ya 55.

Kwenye Raundi inayofuata, Yanga wataivaa APR ya Rwanda ambayo Leo hii, baada ya kuchapwa 1-0 na Mbabane Swallows kwenye Mechi ya Kwanza, wamezinduka na kushinda 4-1 Mjini Kigali, Rwanda.

Mechi za Yanga na APR zitachezwa kati ya Machi 11 na 13 na kurudiana kati ya Machi 18-20 kwa Yanga kuanza Ugenini huko Kigali na kumalizia Jijini Dar es Salaam.