VPL-AZAM YABANWA NA PRISONS, YABAKI WA PILI NYUMA YA YANGA ILIYOSHINDA LEO MECHI KOMBE LA SHIRIKISHO.

LEO huko Sokoine Jijini Mbeya katika Mechi ya Ligi Kuu Vodacom, VPL, Tanzania Prisons ilitoka Sare 0-0 na Azam FC  wakati Jijini Dar es Salaam kwenye Mechi ya Kombe la Shirikisho ikiwa ni Raundi ya Mtoano ya Timu 16, Yanga iliwachapa JKT Mlale Bao 2-1.

Kwenye VPL, Sare ya Azam FC imewabakisha Nafasi ya Pili licha ya kuwakamata Vinara Yanga kwa Pointi, wote wakiwa na Pointi 46 kwa Mechi 19 kila mmoja, lakini Yanga wanabakia kileleni kwa ubora wa Magoli.

Simba wanaendelea kushika Nafasi ya 3 wakiwa Pointi 1 nyuma lakini wao wamecheza Mechi 1 zaidi.

Katika Mechi ya Yanga na JKT Mlale, Yanga walitoka nyuma kwa Bao 1 na Paul Nonga na Thaban Kamusoko kuwafungia Bao zao huko mpishi wa Bao zote akiwa Geofrey Mwashiuya.

Ushindi huu umewaingiza Yanga Robo Fainali ya Kombe la Shirikisho.
KOMBE LA SHIRIKISHO
Raundi ya 4
Ratiba/Matokeo
Jumatano Februari 24
Yanga 2 JKT Mlale 1
Ijumaa Feb 26:
Ndanda FC v JKT Ruvu
Coastal Union v Mtibwa Sugar
Jumamosi Feb 27:
Mwadui FC v Rhino Rangers
Tanzania Prisons v Mbeya City
Jumapili Feb 28:
Panone FC v Azam FC (Ushirika, Moshi)
Simba v Singida United
Toto Africans v Geita Gold